و الله الموضوع دا شيق جدا و اكيد محير ناس كتير و خصوصا الاولاد يعنى
(احم احم )
المهم انا قلت بردو نفيدكم بالمعلومات اللى عندنا و يا رب الموضوع يعجبكم
طبعا زى ما احنا عارفين ان اى بنت جميلة بتتسال انتى منين
و يا سلام بقا لو كانت من المنصورة هتنفجر فى وشها
قنبلة من الاعجاب و المديح
يا ترى ليه
ليه مشهور ان بنات المنصورة حلوين اوى كدا
طب فى حد من اللى بيقرى الموضوع دلوقتى نزل المنصورة و شاف فيه ايه هناك ؟
بصراحة لو حد نزل هيشوف ان تقريبا كل البنات اللى بيشوفهم فى الشارع او الاماكن العامة حلوين اوى ومسمسمين جدا و شيك اوى و دا فعلا بجد
و يا سلام لو راح جامعة المنصورة هيشوف اشكال و الوان من الجمال
طبعا انا مش هطول عليكم
المهم تعرفوا ايه السر اللى مخليهم حلوين اوى كدا
حلاوة بنات المنصورة
راجعه لاربع اسباب
الاول: هوه وجود المماليك و الاتراك و اشتهارهم بجمالهم
و معروف انهم تواجدوا فى مصر لفترة طويلة و خصوصا ان فى المنصورة
كانت بنات العائلات بتتباهى بتزويج بناتهم من المماليك
التانى: ان هناك عائلات فى المنصورة بتنتمى لاصول تركية و دا ناتج عن ثرائها
و بالتالى كانت بتناسب الاتراك اللى هما فى الوقت دا كانوا السلطة الحاكمة و الاثرياء كانوا شرائح كبار الموظفين و العلماء و التجار
التالت: الحملات الصليبية من الفرنسين اللى انصهروا فى المجتمع المنصورى بعد فشل حملة لويس التاسع و خصوصا ان منهم كتير عاشوا فيها و اعلنوا اسلامهم
الرابع: ان معظم اغنياء المنصورة سواء تجار او اصحاب نفوذ كانوا بيفضلوا الزواج من
الاجنبيات يونانيات او ايطاليات
لدرجة ان الجالية اليونانية كانت اعدادها كبيرة بعد الاحتلال البريطانى و ايضا
زواجهم من التركيات الشركسيات الجميلات
و دى من الاسباب التاريخية لجمال بنات المنصورة و بتاكد شهرة جمالهم
الخميس سبتمبر 17, 2009 2:09 am
